ഈ ലാല് ജോസിനു ഇന്ത്യന് നടിമാരുടെ അഭിനയത്തില് അത്ര വിശ്വാസം പോര എന്ന് തോന്നുന്നു. കുറച്ചു മുന്പ് അറബിക്കഥയെന്ന ചിത്രത്തില് ചൈനക്കാരിയായ ചാങ് ഷുമിനെ കൊണ്ട് വന്നു വിസ്മയിപ്പിച്ച ആളാണ് ലാല് ജോസ്. അതുകൊണ്ട് തന്നെ അദേഹത്തിന്റെ പുതിയ ചിത്രത്തില് ഒരു ബ്രിടിശുകാരി പെണ്ണ് നായികയാവുന്നു എന്ന് കേട്ടാല് ആരും അതിശയിക്കില്ല. ദിലീപിനെ നായകനാക്കി സംവിധാനം ചെയ്യുന്ന പുതിയ ചിത്രം 'സ്പാനിഷ് മസാല' ക്ക് വേണ്ടിയാണു ബ്രിട്ടീഷ് മോഡലും നടിയുമായ എമി ജാക്സനെ ലാല് ജോസ് മലയാളത്തിലേയ്ക്ക് കൊണ്ടുവരുന്നത്.
പൂര്ണമായും സ്പെയിനില് വെച്ചായിരിക്കും ചിത്രീകരണം എന്ന് സൂചന. പിന്നെ എമി ഇന്ത്യന് സിനിമക്ക് പുതുമുഖം ഒന്നുമല്ല കേട്ടോ, മദ്രാസിപ്പട്ടണം എന്ന തമിഴ് ചിത്രത്തില് ആര്യയുടെ നായികയായി ഈ താരം അഭിനയിച്ചിട്ടുണ്ട്. ലാല് ജോസിന്റെ ക്ഷണം കിട്ടിയപ്പോള് എമി ഒന്നും നോക്കാതെ സമ്മതം മൂളുകയായിരുന്നുവത്രേ( അതിനു ഈ കുട്ടിക്ക് ലാല് ജോസിനെ അറിയാമായിരുന്നോ ആവൊ? ).
ഒരു മലയാളി യുവാവും സ്പാനിഷ് യുവതിയുമായുണ്ടാകുന്ന പ്രണയബന്ധമാണ് സ്പാനിഷ് മസാലയുടെ പ്രമേയം. ഒട്ടേറെ സ്പാനിഷ് സുന്ദരിമാരുടെ ഫോട്ടോ സെഷന് നടത്തിയെങ്കിലും ഒടുവില്, നായികയായി ബ്രിട്ടീഷ് മോഡല് കൂടിയായ എമി ജാക്സണ് മതി എന്ന് ലാല് ജോസ് തീരുമാനിക്കുകയായിരുന്നു.
പിന്നെ എമി ഈ മലയാള സിനിമയില് മാത്രമല്ല ഗൗതം മേനോന് സൂര്യ എന്നിവര് ഒന്നിക്കുന്ന ചിത്രത്തില് എമിയാണ് നായിക. കൂടാതെ വിണ്ണൈത്താണ്ടി വരുവായാ എന്ന ഹിറ്റ് ചിത്രത്തിന്റെ ഹിന്ദി പതിപ്പായ പ്രേംകഥയിലും എമി അഭിനയിക്കുന്നുണ്ട്.
ബെന്നി പി നായരമ്പലമാണ് സ്പാനിഷ് മസാലയ്ക്ക് തിരക്കഥയെഴുതുന്നത്. നൗഷാദ് നിര്മ്മിക്കുന്ന സ്പാനിഷ് മസാലയില് കുഞ്ചാക്കോ ബോബനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ജൂലൈ പകുതിയോടെ ചിത്രീകരണം ആരംഭിക്കും.
0 comments:
Post a Comment