ആ ചെറുപ്പക്കാരന്റെ പേര് പ്രിയദര്ശന് എന്നായിരുന്നു. പ്രിയന് പരോപകാരിയായി മാറിയപ്പോള് അവര് ഒന്നായി വിളിച്ചു... ജനപ്രിയന്.
ജയസൂര്യ ജനപ്രിയനായി വരുന്നു. കൃഷ്ണ പൂജപ്പുരയുടെ തിരക്കഥയില് നവാഗതനായ ബോബന് സാമുവല് സംവിധാനം ചെയ്യുന്ന പുതിയ ചിത്രമാണ് ജനപ്രിയന്. ചിത്രത്തില് സാധാരണക്കാരനായ പ്രിയദര്ശന് എന്ന കഥാപാത്രത്തെയാണ് ജയസൂര്യ അവതരിപ്പിക്കുന്നത്. ഭാമയാണ് ചിത്രത്തിലെ നായിക.
സ്പോട്ട് ലൈറ്റ് വിഷന്റെ ബാനറില് മാമന് ജോണും റീനാ എം. ജോണും ചേര്ന്നാണ് ചിത്രം നിര്മിക്കുന്നത്.
പ്രദീപ് നായരാണ് ചിത്രത്തിന്റെ ക്യാമറാമാന്. കോക്ടെയില്, ആഗസ്ത് 15 എന്നീ ചിത്രങ്ങള്ക്കുശേഷം പ്രദീപ് നായര് ഛായാഗ്രഹണം നിര്വഹിക്കുന്ന ചിത്രമാണിത്. ചിത്രത്തെക്കുറിച്ച് തിരക്കഥാകൃത്ത് കൃഷ്ണ പൂജപ്പുര സംസാരിക്കുന്നു.
''ധൂര്ത്തനായ അച്ഛന്, കടംകയറിയപ്പോള് ആത്മഹത്യ ചെയ്തു. അമ്മയെയും പെങ്ങളെയും സംരക്ഷിക്കേണ്ട ബാധ്യത ചെറിയ പ്രായത്തില് തന്നെ പ്രിയദര്ശന്റെ തലയിലായി. ജീവിതം കരകയറ്റാന് പിന്നീട് 24 മണിക്കൂറും ആ ചെറുപ്പക്കാരന് അദ്ധ്വാനിച്ചു. ദൈവവിധിപോലെ ഗ്രാമത്തില്നിന്ന് സിറ്റിയിലേക്ക് അയാള്ക്ക് മാറേണ്ടിവന്നു. അയാള് കടന്നുചെന്നത് അലസനും മടിയനും സുഖിമാനുമായ മറ്റൊരു ചെറുപ്പക്കാരന്റെ ജീവിതത്തിലേക്കായിരുന്നു. തുടര്ന്നുണ്ടാകുന്ന പ്രശ്നങ്ങളാണ് ചിത്രത്തിന്റെ ഗതി നിര്ണയിക്കുന്നത്.
'ഫോര് ഫ്രന്ഡ്സ്' എന്ന ചിത്രത്തിനുശേഷം കൃഷ്ണ പൂജപ്പുര തിരക്കഥ നിര്വഹിക്കുന്ന ചിത്രത്തില് ജയസൂര്യ വീണ്ടും പ്രധാന കഥാപാത്രമായെത്തുകയാണ്.
ജീജോ, ജോണി ആന്റണി എന്നീ സംവിധായകരുടെ സംവിധാന സഹായിയായ ബോബന് സാമുവല് ആദ്യമായി സ്വതന്ത്ര സംവിധായകനാകുന്ന ചിത്രമാണ് ജനപ്രിയന്.''എല്ലാ തരം പ്രേക്ഷകര്ക്കും ഇഷ്ടമാകുന്ന ഒരു ലളിതമായ സബ്ജക്ടാണ് ഞങ്ങള് ജനപ്രിയനുവേണ്ടി തിരഞ്ഞെടുത്തിരിക്കുന്നത്. ഗ്രാമത്തില്നിന്ന് നഗരത്തിലെ താലൂക്ക് ഓഫീസില് ലീവ് വേക്കന്സിയില് വന്ന് എല്ലാവരുടെയും കണ്ണിലുണ്ണിയായി മാറിയ പ്രിയദര്ശന്റെ ജീവിതത്തിലൂടെയാണ് ഈ ചിത്രം കടന്നുപോകുന്നത്. നഗരജീവിതം ആ ചെറുപ്പക്കാരന്റെ ജീവിതം മാറ്റിമറിക്കുകയാണ്. ആ രസങ്ങളിലൂടെയാണ് ജനപ്രിയന്റെ യാത്ര'' -ബോബന് പറയുന്നു.
0 comments:
Post a Comment